Mona Lisa

Миний блогийн зочин танд энэ өдрийн мэнд хүргье. Энэ зургийг хараад та бүхний толгойд юу орж ирж байна. Миний хувьд бол энэ зураг олон олон хүмүүсийг өөртөө татаж, мөн ч олон хүмүүсийн дотоод нандин увидасыг нь хөндөж, шоронгийн хаалга руу хөтөлсөн дөө… Хүмүүсийн ирээдүйг ингэж өөрчилж байх гэж. . Одоо энэ зураг дахиад л зуурдын эзнээ хүлээсээр…

Инээмсэглэл нэртэй энэ зургийг орчин үед янз янзаар зурдаг болжээ. Нэг амралтын өдрөөрөө гадуур дэлгүүр хэсэж явж байхад нэг таньдаг царайг шүрээр урлаад жаазалчихсан байгаам даа. Тэр гайгүй одоо бүүр MS paint дээр хүртэл зурах болжээ. Гэхдээ яаж ч хичээгээд адилхан зурж чадах вэ дээ.:-D

Mona Lisa-г компьютер дээр зурсан 2 бичлэгийг хавсаргалаа.

MS Paint дээр зурсан Mona Lisa

Дизайны чиглэлээр суралцдаг оюутан залуусаа

        ШУТИС-ийн Үйлдвэрлэл Технологи Дизайны Сургуулийн Компьютер График Дизайны профессорын багаас жил бүр уламжлал болгон зохион явуулдаг мэргэжил сурталчилах “АЛТАН ХУЛГАНА 2008” уралдаанд урьж байна.

Энэхүү тэмцээнд хамрагдах мэргэжил:
     – Компьютер График Дизайн
     – Хэвлэлийн График Дизайн
     – Интерьер Дизайны чиглэлээр суралцаж байгаа Их Дээд сургуулиудын оюутнууд

Номинациуд:
     – Хүүхэлдэйн кино /3D, 2D анимэйшн/
     – TV /реклам, шторк, видео зохиомж, клип/
     – 3D　модель /3D графикийн программ хангамж ашиглаж гүйцэтгэсэн модель загварууд/
     – Интерьер дизайн /Орчин үеийн шинэлэг шийдэл, ашигтай төлөвлөлт. Жич: Макетгүй, видео танилцуулгатай байх/
     – График дизайн /ном, сэтгүүл, комикс, лого…/
     – Плакат /үгэн болон дүрсэн зар сурталчилгааны хуудас/
     – Эрдэм шинжилгээний илтгэл /дизайны чиглэлээр/

Мөн эдгээр номинациудаас гадна:
Photoshop эвлүүлэг /зөвхөн өөрсдийн авсан фото зургаар/

Оролцогчдод тавигдах шаардлага:
- Номинаци тус бүрт ганцаарчилсан болон багаар оролцож болно
- Ирүүлж буй бүтээлүүд нь 2008 онд хийгдсэн байх шаардлагатай
- 2008 оны 11 сарын 08-ны дотор мэдүүлгээ өгөх
- Бүтээлүүдийг 11 сарын 10-13нд ҮТДС-ийн 121, 221 тоот өрөөнүүдэд авчирч тухайн номинаци тус бүрд нэр дэвшүүлэн хураалгана.

Шалгаруулах журам:
Тухайн бүтээлийг ШИНЭЛЭГ САНАА, ЗОХИОМЖ, ГҮЙЦЭТГЭЛ, КОМПЬЮТЕРИЙН ПРОГРАММ ХАНГАМЖ ашигласан байдлыг анхаарч байр эзлүүлнэ.
Шалгаруулах комисс 5-7 хүний бүрэлдэхүүнтэй мэргэжлийн баг байна.

Шагнал: Номинаци тус бүрээр
      – I, II – р байр өргөмжлөл, цом, үнэ бүхий зүйл
      – Гранпри шагнал 1, өргөмжлөл, цом үнэ бүхий зүйл

Бүтээлүүдийг 2008 оны 11 сарын 12-14нд ҮТДСургууль дээр дэлгэж үзүүлнэ

Шагнал гардуулах ёслолын үйл ажиллагаа
2008 оны 11 сарын 14нд 14:00 цагаас ШУТИС 1-р байр “Урлаг Заал”-нд болно.

Дэлгэрэнгүй мэдээллийг
ШУТИС-ҮТДС Компьютер График Дизайны Профессорын баг /122, 221 тоот өрөө/
Холбоо барих утас: 96424296, 99725654, 99141272
e-mail: mergejil_2008@yahoo.com

36 in 1

За ойрд зав муутай тиймэрхүү л байлаа. Сургууль соёл гээд л… За тэр ч яахав. Залуусаа та бүхэн нэг дор 36-н антивирусаар зэрэг scan хийж үзсэн үү? Мөн түүгээр ч зогсохгүй өөрийнхөө хийсэн вирусаа олон антивирусаар scan хийж үзсэн үү?. Хэрвээ үзээгүй байгаа бол virustotal.com руу өөрийн хийсэн вирусаа оруулж үзэцгээгээрэй. Тэгээд өөрийнхөө хийсэн вирусаа ямар овог нэртэй, ямар муу жаал болохыг нь нэг туршиж үзээрэй. Жич: virustotal.com-ийг вирусдуулаад хаячихваа залуусаа!!!

-Би хэд хэдэн жижиг вирус оруулж үзсэн. Бас антивирус шалгагч кодийг хүртэл оруулж үзлээ. Тэгээд үр дүнг нь үзтэл ихэнхдээ өөр өөр гардгийм даа. Зарим антивирус нь таних ч үгүй байна лээ.

За тэгээд туршилтаа амжилттай хийцгээгээрэй

Зураг урлахуй

За нэг иймэрхүү  зураг зураад. Вирусны нөлөөнд автаад ийм зураг зуръя гэж бодоод. Ойрдоо жаал Photoshop оролдоод. Таалан үзнэ үү!

Вирусаа гэж…

Та хэр зэрэг анти-вирус програмтай вэ? Хэрвээ таны компьютер вирусны үүр уурхай болчихоод, анти-вирус програмаар сэхэл авахгүй байгаа бол тэр дор нь форматла. Ер нь компьютераа вирустсаных нь дараа биш вирустахаас нь өмнө сэргийлж байх хэрэгтэй шүү. Би хувьдаа Avast – Home Antivirus програм хэрэглэдэг. Дажгүй програм гээч. Суулгаад restrart хийгээд компьютерийг ачааллаж эхлэхээс өмнө бүх файлийг шүүдэг юм байна лээ. Бодоод байхад тэр нь ч зөв дөө.
Хүмүүс Хакер, Кракер 2 юугаараа ялгаатай юм бэ? гэж асуудаг юм. Миний ойлгосноор бол:
Кракер бол товчоор хэлбэл компьютер луу нэвтрэн орж хохирол учруулж, ямар нэгэн програмд өөрчлөлт оруулах эсвэл компьютерийг тэр чигт нь ажиллахгүй болгодог. Хамгийн гол зорилго нь програмд засвар хийж хоног тоолдог. Тэгээд мөнгө нэхдэг.
Харин Хакер бол компьютер луу нэвтрэн орж хэрэгтэй мэдээлэл зүйлсээ авах бөгөөд гэхдээ компьютерт ямар ч хор нөлөө учруулахгүйгээр.

Хэрвээ та Хакер, Кракерийн тухай илүү ихийг мэддэг бол мэдлэгээсээ бага ч гэсэн хуваалцана уу?

Компьютерийн гар уу? Хогийн сав уу?

Та компьютераа хэр зэрэг арчилдаг вэ? Арай энэ зураган дээрх шиг компьютерийн гартай юм биш биз дээ. Энэ зураган дээрх компьютерийн гар бол хэнэггүй эрийн тамхины гал цогинд тамтаггүй болтлоо түлэгдээд, танихгүй болтлоо шарлачихаад үнс болох нь дутаад байгаа компьютерийн гар юм. Компьютерийн ард сууж байгаа та ч гэсэн иймэрхүү гартай болохыг хүсэхгүй байгаа биз дээ. Таны компьютер хэр зэрэг цэвэрхэн байх нь зөвхөн таниас л хамааралтай юм шүү. Эрдэмтэд Компьютерийн гар жорлонгийн суултуурнаас ч илүү их нянг агуулж байдгийг илрүүлжээ.

Dream’s Windows

Та бидний сайн мэдэх Microsoft компанийг үндэслэн байгуулагч Билл Гейтс шинэ технологио танилцууллаа. Тэрээр шинэ технологи болох мэдрэмж хөдөлгөөнөөр ажилладаг шинэ үйлдлийн систем бүтээжээ. Компьютерийн гар, хулгана нь нэлээд нарийн үйлдллийг мэдрэх чадвартай бөгөөд бидний юу хүсч буйг мэдэрч, зурж бичих, ярих зэрэг олон үйлдлийг гүйцэтгэх гэнэ.

Өнгөрсөн жилд гаргасан Vista үйлдлийн систем нь дэлхийн өнцөг булан бүрт тархсан билээ. Гэвч хүмүүс уг үйлдлийн системийн талаар нэлээд шүүмжлэлтэй хандсан юм. Microsoft компани Vista хэмээх үйлдлийн систем бүтээснээрээ их бахархаж байгаа бөгөөд хэрэглэгчдийн шүүмжлэл нь Microsoft-ийн бүтээгдэхүүний ололттой болон дутагдалтай талыг тодорхойлоход ихээхэн дөхөм болдог ажээ.

Э-бикогийн төслүүд

За тэгэхлээр та бүхэндээ э-бико тэмцээний вэбсайт төрлийн finalist in Turkey төслийг танилцуулъя. Энэ төслийг дунд ангийн сурагчид хийсэн. Энэхүү Вэбсайтийн дизайн  нь гэвэл ерөнхийдөө энгийн боловч агуулга нь өвөрмөц юм. Sinek гэдэг нь монголоор ялаа гэсэн үг.

Тэдгээр сурагчид ялааны тухай бичсэн бөгөөд ялааны аж байдал, амьдрал, үржил гэх мэтийн талаар. Ялааны тухай бичсэн нь хүмүүст маш сонин санагдсан байх. Ялааны тухай бичнэ гэж хэн ч бодох вэ дээ. Ялаа ч тэгээд гоё амьтан гэж үү? Энэ төсөл нь тэр чигээр турк хэл дээр бичигдсэн. Ер нь энэ э-бико ICT olympiad нь олон улсын олимпиад учраас төслөө англи хэл дээр тайлбарлах ёстой юм. Мөн турк

хэл дээр тайлбарлаж болно.
Манай монгол хүүхдүүд ч гэсэн хийсэн төслөө турк эсвэл англи хэл рүү хөрвүүлээд хийвэл туркэд очоод санаа амар байна шүү.
Тэгээд ч олон програмчлалын  хэл сурахын хажуугаар ярианы хэл сурсан нь зүгээр юм шиг санагдсан. Ийш тийш гадаад гарахад хэл яриа нэвтрэлцэх маш хэрэгтэй юм байна лээ. За тэгээд Хэлтэй бол хөлтэй, хөлтэй бол хоолтой харин хоолтой бол гэдэс цатгалан явна гэсэн үг.
Мөн та бүхэндээ турк хүүхдүүдийн хийсэн ганц хоёр төслийг харуулахыг зорилоо. Энэ төсөл нь animation-ий төрөл:

1. Үелэх систем. Энэ төслийг flash дээр дажгүй хийсэн байна лээ.

2. Туркийн газрын зураг.  Энэ төсөл нь турк улсын нийслэл болон томоохон хотуудыг нэрийг нь өгөхөд тухайн хот хаана байрладгийг нь та олох юм.

Интернэтийн үүсэл

1989 онд Женев (Geneva) дэх физикийн CERN лабораторид, Тим Бернерс Ли (Tim Berners-Lee) гэдэг хvн Вэбийг анх бvтээжээ. Уг нь мань хvн хийж байсан физикийн судалгаандаа хэрэглэхэд амар гээд датабейс зохиохыг зорисон байж л дээ, учир нь тухайн vед хэрэглэгдэж байсан датабейс нь тvvний ажлын хэрэгцээнд төдийлөн нийцэхгvй байжээ. Ингээд тvvний бодож олсон санаа нь материалуудаа хооронд нь hypertext маягаар холбож өгөх явдал байлаа. Нэг материалыг уншиж байгаад, өөр нэг материалын нэр тэр дунд нь тааралдах юм бол тэр нэрийг нь link буюу холбоос болгон ашиглаж шууд тэр нь дараагийн сэдэв рvv шилжин орох юм. Ингэж л анх вэб үүссэн юм даа.
Харин одоо бол интернэт нь асар их хурдтайгаар хөгжиж байгаа бөгөөд интернэт нь маш их мэдээллийг агуулахаас гадна танд тулгарсан асууудлыг хамгийн бага зардлаар хамгийн хурдан шуурхай шийдвэрлэж өгдөгт л интернэт гэгч том халаасны гол агуулга, утга учир нь оршиж байгаа юм.
ИНТЕРНЭТ нь олон хүний оюун ухаан, нөр их хөдөлмөрийн ачаар бий болсон бөгөөд өнөөдөр мэдээллийн чухал эх үүсвэрийн талбар болсоор байна. Мөн өрсөлдөөны талбар ч болсоор байна.

E-BiKO ınternatıonal ICT olympıad

Саяхан монголд болсон Э-бико’08 тэмцээний финалист 3 сурагч Турк улсад болсон “E-biko ınternatıonal ICT olympıad”-д амжилттай оролцоод ирлээ. Э-бико тэмцээн нь Монголд 3 төрлөөр, Туркэд 6 төрлөөр болж өндөрлөлөө.
“E-BiKO ınternatıonal ICT olympıad”-д Дэлхийн 27 орны 200 бүтээл оролцсон бөгөөд Монголоос Animation, Programing-ын төрлөөр 2 хүрэл медаль хүртжээ.
Би энэ олимпиад анх удаа сурган хүмүүжүүлэгчийн вэбхуудас төрлөөр оролцсон. Энэ бол миний хийсэн вебсайт анхных гэсэндээ тиймэрхүү л байгаа байх.

Би энэ олимпиадаас вэбсайт гэж юу болохыг вэбсайтыг яаж хийж, хэрхэн ажиллуулдаг тухай бага ч болов мэдэж авсан юм.

Э-бико мэдээлэл технологийн олимпиад нь жил бүр  ЕБС-ын ахлах ангийн сурагчдын дунд зохиогддог. “Э-бико 2008″ нь Монголд анх удаа болсон бөгөөд урьд нь Think Quest, WebAwards зэрэг тэмцээнүүд амжилттай болж байсан.
Хэрвээ та өөрийгөө нээн хөгжүүлье гэж бодож байгаа бол ирэх жилд болох “Э-бико’09″-д ороод үзээрэй.

Э-бикогийн хаягууд:
E-biko’08 Mongolia – http://www.ebiko.mn
E-biko’08 International ICT olympiad – http://www.ebiko.org